As persoas no foco da sostibilidade. Análise da pegada social nas empresas do IBEX 35.
| Data de defensa | 16/09/2021 |
| Titulación | Máster Universitario en Xestión do Desenvolvemento Sostible |
| Centro | Facultade de Ciencias Económicas e Empresariais |
| Dirección |
Titoría: María del Pilar Piñeiro García |
| Tribunal |
Vogalía: Aida Ovejero Campos Secretaría: Ana Isabel Dopico Parada Presidencia: María del Rocío Rodríguez Daponte |
| Resumo | A sostibilidade componse de tres vertentes: ambiental, económica e social. Esta última foi tradicionalmente menos estudada que as anteriores aínda que nos últimos anos comezouse a abordar debido ao fenómeno globalizador que aumentou a interdependencia entre países e o número de compañías que operan fóra das súas fronteiras, xerando maiores efectos nas poboacións locais. O cálculo da pegada social é moi relevante á hora de coñecer o impacto que unha compañía exerce na sociedade no transcurso da súa actividade empresarial, así como un gran motor de desenvolvemento social e un punto crave na estratexia empresarial que xera grandes beneficios. Con todo, os modelos existentes para o seu uso seguen sen estar estandarizados nin achegan unha metodoloxía clara o que dificulta a súa aplicación e a súa posta en práctica. Mediante o estudo das memorias de sostibilidade das empresas do IBEX 35 en 2020, observouse que o concepto de pegada social non está totalmente implantado no noso país e que os métodos utilizados seguen sendo escasos, sendo a súa aplicación moi mellorable. En moitas ocasións, non se calcula realmente a pegada social, senón que se limitan a enumerar as accións levadas a cabo para o beneficio da sociedade. |