Deseño, construción e posta en servizo dun sistema de control automático de procesos asistidos por láser
| Data de defensa | 17/09/2021 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Cotitoría: Fernando Lusquiños Rodríguez Titoría: Óscar Barro Guizán |
| Tribunal |
Vogalía: Javier Martínez Torres Presidencia: María Cristina Trillo Yáñez Secretaría: María del Carmen Somoza López |
| Resumo | O recargue láser é unha técnica de produción de recubrimentos mediante a aplicación dunha fonte de enerxía baseada nun feixe láser e inxección do material precursor do devandito recubrimento. É un proceso de difícil control debido á súa natureza física: gradientes abruptos de temperatura nunha rexión relativamente pequena e elevadas velocidades de arrefriado. A evacuación da calor do proceso é marcadamente non lineal e de difícil predición teórica, mesmo para unhas condicións moi similares (ou idénticas) entre ensaios. Posto que establecer un modelo teórico que explique a formación do recubrimento é unha tarefa difícil o que propoñemos neste traballo é unha análise experimental do proceso e o deseño dun sistema de control baseado nos resultados experimentais en función das variables de procesamento máis relevantes para a obtención de recubrimentos e/ou pezas xeradas con propiedades homoxéneas e de alta calidade. Entre estes factores destacamos a temperatura media do baño fundido, as súas dimensións, o espesor da capa depositada, etc. O control do devandito proceso ha de garantir a homoxeneidade dos mencionados factores durante a xeración do recubrimento; para o que se abordará un estudo teórico-experimental do proceso mediante: un axeitado deseño de experimentos, o deseño e construción dun sistema optomecánico de análise en tempo real dos factores de procesamento, e o deseño e execución dun sistema de control en lazo pechado que garanta a formación de recubrimentos con propiedades homoxéneas. |