?Entorno de aprendizaxe e proba de sensores biomédicos?
Data de defensa | 16/09/2021 |
Titulación | Grao en Enxeñaría en Electrónica Industrial e Automática |
Centro | Escola de Enxeñaría Industrial |
Dirección |
Titoría: José Fariña Rodríguez |
Tribunal |
Secretaría: Juan Manuel Berea Cruz Presidencia: Rafael Verdugo Mates Vogalía: José Ignacio Iglesias Prado |
Resumo | O obxectivo deste traballo é a elaboración dunha aplicación que permita medir as constantes vitais dos seres humanos. Para iso empregarase un dispositivo de adquisición de datos de National Instruments, chamado NI myDAQ, diferentes sensores biomédicos e un software que permite desenvolver aplicacións de probas, control e medidas( LabVIEW). Con esta aplicación preténdese monitorizar as devanditas constantes, tanto numérica como graficamente, e a maiores poder gardar determinados parámetros medidos, cun nome identificativo; para que certos valores queden rexistrados e poidan ser avaliados máis adiante. Con isto tamén se persigue un achegamento o mundo dos sensores biomédicos, para así facilitar a ensinanza e a aprendizaxe na utilización dos mesmos. Os sensores a empregar forman parte dun kit de ensinanza elaborado e vendido por iWorx, e todos eles son compatibles co NI myDAQ. Debido ó tempo que se vai empregar na realización deste TFG, imos contemplar só catro sensores biomédicos, dos incluídos neste kit: -Sensor de medición da temperatura( TMN-100). -Sensor de medición do pulso( PHRMN-100). -Sensor de medición da presión arterial( BP-220). -Sensor de medición da forza da man, ou dinamómetro( FT-220). |