Deseño dunha bobinadora para a fabricación de pastillas de guitarra.
| Data de defensa | 15/09/2021 |
| Titulación | Grao en Enxeñaría Mecánica (Curso Ponte) |
| Centro | Escola de Enxeñaría Industrial |
| Dirección |
Titoría: Pablo Izquierdo Belmonte Cotitoría: Pablo Yáñez Alfonso |
| Tribunal |
Secretaría: Román Xosé Carballido Gay Presidencia: Rafael Comesaña Piñeiro Vogalía: Fernando Agustín Ribas Pérez |
| Resumo | O TFG proposto pretende ser un proxecto interdisciplinar que abrangue tanto competencias específicas da Enxeñería Mecánica coma son o coñecemento de técnicas de representación gráfica a través das ferramentas CAD, o emprego dos principios de resistencia de materiais, a capacidade para o cálculo e deseño de máquinas ou a capacidade para organizar e xestionar proxectos; como principios da Enxeñería Eléctrica, investigación comercial e certo estudo histórico. Pola tanto, comezaremos cun breve apuntamento sobre a evolución do instrumento, para continuar cun pequeno estudio de mercado que aporte información acerca da posible demanda que tería o noso produto. Logo disto, analizaremos a clasificación, constitución e funcionamento das pastillas electromagnéticas a través do seu principio de funcionamento e o seu circuíto equivalente. Unha vez comprendido o elemento que a nosa máquina deberá fabricar, levaremos a cabo un benchmarking ao xeito de estado da arte, en base ao cal exporemos os requisitos previos que, ao noso xuízo, debe reunir o deseño final. En base a un primeiro deseño preliminar, analizaremos e melloraremos o produto nunha evolución que nos leve a lograr unha bobinadora de pastillas para guitarra totalmente funcional e fiable. |