Prototipo Driverless UVigo Motorsport: Conversión dende un monopraza Formula Student de combustión
Data de defensa | 15/09/2021 |
Titulación | Grao en Enxeñaría Informática |
Centro | Escola Superior de Enxeñaría Informática |
Dirección |
Titoría: Miguel Ramón Diaz-Cacho Medina |
Tribunal |
Titoría: Miguel Ramón Diaz-Cacho Medina |
Resumo | O coche autónomo é un dos maiores retos do sector automobilístico na actualidade. Un tópico cada vez máis desenvolvido debido aos avances do dominio e o aumento de recursos que os fabricantes invisten nel. O seu concepto implica sobrepoñerse a certas cuestións. Principalmente, a investigación, desenvolvemento e custo da avanzada tecnoloxía que require, xunto ao seu impacto en numerosos campos como son: A propia industria do automóbil. A saúde e o benestar. O plan urbanístico e a infraestrutura O sector asegurador. A enerxía e o medioambiente. A privacidade. Os servizos de transporte, emerxencia e militares. As telecomunicacións. O mercado laboral. A seguridade. As cuestións morais. A propia circulación dos vehículos en todos os seus elementos, como son o tráfico e o aparcamento, entre outros. A grandes liñas, para dotar a un vehículo da devandita capacidade autónoma, débense implementar un número de sistemas que substitúan ao piloto humano en todas as súas capacidades. A división destes sistemas pódese realizar nos bloques de Percepción, Estimación, Control e Actuación. Neste proxecto tratarase a reconfiguración dun monopraza Formula Student para dotalo de funcionalidades autónomas. Para iso, presentaranse conceptos como o marco de desenvolvemento da competición Formula Student e a súa normativa técnica, así como os aspectos técnicos relevantes do monopraza de combustión. Desenvolveranse os diversos subsistemas autónomos en calidade de que tecnoloxías presentan, probas ás que ven sometidas e outras consideracións durante o seu deseño e formulación. Tamén se recollerán as investigacións, deseños e probas realizadas para dotar aos prototipos de sistemas de telemetría en tempo real. Finalmente, expoñeranse as liñas de traballo futuro con respecto ao prototipo, actualmente en desenvolvemento. |