Deseño e fabricación dun prototipo de instrumental cirúrxico para traumatoloxía veterinaria.
Data de defensa | 17/09/2021 |
Titulación | Máster Universitario en Enxeñaría Industrial |
Centro | Escola de Enxeñaría Industrial |
Dirección |
Titoría: Julia Asunción Serra Rodríguez |
Tribunal |
Vogalía: Félix Quintero Martínez Secretaría: Elena Beatriz Martín Ortega Vogalía: José Antonio Pérez García Vogalía: José Manuel Santos Navarro Presidencia: Antonio Riveiro Rodríguez |
Resumo | A traumatoloxía é a especialidade da medicina que estuda as lesións e enfermidades do aparato locomotor e os seus tratamentos. Dentro desta rama atópase a ortopedia. En concreto, a ortopedia veterinaria dedícase a corrixir ou evitar as deformidades ou as lesións do sistema músculo-esquelético dos animais por medio de exercicios de fisioterapia, sistemas de corrección externos ou cirurxías. A unión cirúrxica dos fragmentos dun óso mediante un elemento de fixación denomínase osteosíntesis. Ditos elementos teñen a función de xerar unha estabilidade ósea suficiente e duradeira, que permita restablecer a función da extremidade o máis rápido posible. En moitas ocasións, as características da superficie ósea requiren que as placas de osteosíntesis se poidan deformar para axustalas correctamente á xeometría da zona de fixación. É aquí onde cobra importancia o instrumental de doblado e corte de placas. Aínda que no mercado existe instrumental para este fin, a mellora do mesmo é unha área aberta e especialmente sensible cando cada vez máis se buscan intervencións adaptadas a cada caso clínico en particular. Dentro deste marco, o presente traballo de investigación céntrase no deseño e fabricación de instrumental cirúrxico para o dobrado e corte de placas de osteosíntesis en traumatoloxía veterinaria. O desenvolvemento do mesmo divídese en tres fases. (1) Caracterización do instrumental existente no mercado atendendo a diferentes aspectos coma: ergonomía, movementos e forzas admisibles pola man e o conxunto man-brazo, as características físicas dos implantes cos que se vai a traballar, as súas dimensións e os materiais que os compoñen ou a complexidade e custos de fabricación. (2) A partires dos datos obtidos na fase anterior procedederemos a deseñar e fabricar un primeiro prototipo. (3) Análise e validación segundo as normas demandadas ata obter un prototipo final. |