Avaliación e deseño dun proceso de produción de éter dimetílico (DME) por vía indirecta
| Data de defensa | 15/09/2021 |
| Titulación | Grao en Enxeñaría en Tecnoloxías Industriais |
| Centro | Escola de Enxeñaría Industrial |
| Dirección |
Cotitoría: María Ángeles Sanroman Braga Titoría: Emilio Rosales Villanueva |
| Tribunal |
Secretaría: José Manuel Canosa Saa Vogalía: Andrés Moure Varela Presidencia: Marta María Pazos Currás |
| Resumo | O dimetil éter (DME) é un gas non tóxico e limpo medioambientalmente. As súas principais aplicacións son moi diversas, entre elas destacan: o seu uso como combustible substituto dos GLP (Gas Licuado de Petróleo), como combustible para os vehículos diésel, como propulsor de aerosois, como combustible para a obtención doutros carburantes, como fonte de H2 ou como refrixerante; de aquí o seu gran interese e relevancia. Nos últimos anos a súa demanda foise incrementando, e consecuentemente, a súa produción experimentou un gran crecemento en países como China, Xapón ou Corea. O DME pode obterse por vía directa a raíz do gas de síntese (nunha sola etapa) ou por vía indirecta a partir de metanol (en dúas etapas). Nos últimos anos o emprego de solucións informáticas para a simulación de procesos industriais constitúe unha das ferramentas principais á hora de avaliar e deseñar unha planta industrial, pois permite a posibilidade de simular e reproducir un proceso semellante ao real facilitando o seu escalado. Neste Traballo Fin de Grao (TFG) estudarase a produción do DME dentro do reactor xunto coa avaliación de diversos parámetros que afectan ao proceso (temperatura, fluxo molar, volume). Posteriormente realizarase a optimización deste coa axuda de programas informáticos e unha vez obtido o produto procederase á súa purificación mediante o uso de columnas de destilación, contemplando a posibilidade de efectuar a recirculación do/dos reactivos. En base a todo o anterior proporase o deseño dunha planta para a producción de DME. |