Tolerancia das comunidades bacterianas a antibióticos de uso humano en solos agrícolas: Cefuroxima, Claritromicina e Azitromicina
| Data de defensa | 15/09/2021 |
| Titulación | Grao en Ciencias Ambientais |
| Centro | Facultade de Ciencias |
| Dirección |
Titoría: Manuel Arias Estévez Cotitoría: Vanesa Santás Miguel |
| Tribunal |
Secretaría: Paula Pérez Rodríguez Vogalía: Olga Escuredo Pérez Presidencia: David Fernández Calviño |
| Resumo | O obxectivo deste Traballo Fin de Grao é observar os incrementos da tolerancia das comunidades bacterianas do solo a 3 antibióticos de uso humano (Cefuroxima, Claritromicina e Azitromicina). Para levalo a cabo, engadíronse 6 concentracións de antibiótico diferentes (2000, 500, 125, 31,3, 7,8, 0 mg kg-1) a 12 mostras de solo, 6 dedicados ao cultivo de millo e 6 ao de viñedo. Despois de 40 días de incubación avaliouse a tolerancia da comunidade bacteriana do solo a estes 3 antibióticos, seguindo a metodoloxía PICT (tolerancia comunitaria inducida por un contaminante) e usando a técnica de incorporación de leucina marcada con tricio. Os resultados obtidos para cada un dos antibióticos non mostraron unha tendencia clara no incremento da tolerancia para concentracións ≤500 mg kg-1, sen embargo, a concentracións elevadas (2000 mg kg-1) houbo un incremento da tolerancia das comunidades bacterianas os 3 antibióticos estudados. A Azitromicina foi o antibiótico que presentou unha tendencia máis clara e un mellor axuste o modelo loxístico, despois foi a Cefuroxima e por último a Claritromicina. A toxicidade de cada antibiótico varía lixeiramente dependendo do tipo de solo. O estudo da tolerancia funcional das comunidades bacterianas do solo aos antibióticos merece especial atención xa que pode presentar importantes implicacións de risco para a saúde humana, especialmente debido a transmisión da tolerancia a patóxenos humanos. |