| Resumo | O presente traballo de fin de grao ten como finalidade a produción dunha tradución técnico-científica en galego dun texto redixido orixinalmente en inglés. Para iso, en primeiro lugar realizamos a tradución dun artigo que trata do mecanismo patoxénico que subxace a doenzas neurodexenerativas como a demencia de Alzheimer, a doenza de Parkinson e outras enfermidades mortais. Unha vez traducido o artigo, procedemos a comentar as incidencias máis relevantes que nos deparou a tradución, para poder xustificar e elucidar a nosa tradución. Con isto, pretendemos destacar a importancia da tradución como ferramenta que consolida o uso do galego no ámbito técnico-científico. |