Plataforma Big data para o almacenamento de fluxos de información marítima
| Data de defensa | 26/03/2021 |
| Titulación | Grao en Enxeñaría Mecánica |
| Centro | Centro Universitario da Defensa da Escola Naval Militar de Marín |
| Dirección |
Titoría: Norberto Fernández García |
| Tribunal |
Presidencia: Paula Gómez Pérez Vogalía: Alfonso Rodríguez Molares Secretaría: Miguel Rodelgo Lacruz |
| Resumo | Resumo - Actualmente, é obrigatorio que gran parte das embarcacións utilicen o Sistema de Identificación Automática (AIS). Este sistema emite cada certo tempo unha serie de eventos con información relevante do barco, como a identidade, a posición, o rumbo ou a velocidade, para dalos a coñecer a outros barcos ou estacións en terra. Os sistemas de vixilancia e control do tráfico marítimo analizan o fluxo continuo de eventos das radiobalizas AIS, instaladas nas embarcacións comerciais e/ou de recreo, para detectar anomalías na mar. Debido ao volume de datos, faise necesario o uso de ferramentas Big data para almacenar a información e permitir a súa consulta e análise. Neste proxecto realízase un estudo e comparación dalgunhas das ferramentas Big data existentes. Tras iso, selecciónase Elasticsearch polas súas características favorables neste contexto, e desenvólvese o proceso de instalación e configuración. Ademais, próbanse as funcionalidades máis útiles para poder realizar consultas de potencial interese. Finalmente, avalíase empíricamente o funcionamento da ferramenta con datos reais extraídos a partir de 5 millóns de tramas AIS proporcionadas polo Centro de Operacións e Vixilancia de Acción Marítima (COVAM), para obter resultados do tempo de execución das consultas e estudar a viabilidade da ferramenta neste eido. Palabras chave ? Big Data, AIS, Elasticsearch, Consultas, Ferramentas. |