Análise dos sistemas de indexado xeoespacial para o Coñecemento da Contorna Marítima
Data de defensa | 24/03/2021 |
Titulación | Grao en Enxeñaría Mecánica |
Centro | Centro Universitario da Defensa da Escola Naval Militar de Marín |
Dirección |
Titoría: Miguel Rodelgo Lacruz |
Tribunal |
Secretaría: José María Núñez Ortuño Presidencia: Milagros Fernández Gavilanes Vogalía: Gerardo González-Cela Echevarría |
Resumo | Este traballo nace da adaptación da Armada Española ás novas tecnoloxías no seu proxecto de Armada 4.0. Particularmente, estúdase a aplicación dun sistema de indexado xeoespacial que axude ao centro de vixilancia marítima da Armada, o COVAM, facilitando o desempeño das súas funcións de análises de datos, co obxectivo de mellorar o Coñecemento da Contorna Marítima. Realizouse un estudo dos métodos de indexado espacial, así como das características do Big Data e as particularidades da contorna marítima como fonte de información, escollendo un dos sistemas para a súa proba con datos reais. Estes sistemas dividen a superficie terrestre e asignan un índice xerárquico que axiliza a análise de datos. O sistema elixido é Uber H3, tras comparar as súas características coas do resto de ferramentas analizadas. Mediante o sistema xestor de datos MySQL e a aplicación deste sistema de indexado analizáronse datos reais, realizando consultas espaciais como a procura de buques nunha zona determinada ou a detección de zonas habituais. Finalmente mostrouse a mellora en canto ao procesamento de datos espaciais e a velocidade de resposta fronte a un sistema tradicional, axilizando o proceso de consulta a grandes bases de datos como realiza o COVAM a diario. PALABRAS CHAVE: Indexado xeoespacial, H3, Big Data, COVAM, MySQL |