Deseño de cabezal multifunción para o cortado, flameado e paletizado de pezas de granito
| Data de defensa | 25/02/2021 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: José Ángel López Campos |
| Tribunal |
Secretaría: Paulino Alegre Fidalgo Presidencia: Rafael Comesaña Piñeiro Vogalía: Enrique Casarejos Ruiz |
| Resumo | A proposta de deseño deste cabezal aparece coa colaboración con Nodosafer, empresa especializada no deseño e fabricación de maquinaria e equipos para o sector da transformación e mecanizado de pedra natural. Mediante o presente traballo búscase unha optimización dos tempos de ciclo e unha redución do espazo ocupado na planta grazas á implantación dun cabezal multifunción. Este cabezal multifunción, unido a un brazo mecánico, permite a realización das operacións de fresado, flamexado e paletizado de bloques de pedra natural ou granito. Operacións que, ata o momento, eran realizadas por mais dunha máquina. Redúcese así o número de máquinas necesarias para o desenvolvemento dos procesos. O deseño do cabezal estará acompañado pola disposición na cela de traballo de todos os elementos necesarios para a realización das operacións, dando conta do espazo necesario para a implantación do conxunto na planta de traballo. Analízase tamén a secuencia de operacións óptima para un correcto desenvolvemento do proceso. Para o modelado de todas e cada unha das pezas que compoñen o cabezal, empréganse o programa de deseño CAM, SolidWorks 2018, o cal facilita en gran medida as posibilidades de deseño, permitindo considerar comodamente distintas opcións para a máquina. E o programa AutoCAD 2018 é utilizado para o deseño asistido á hora do debuxo en 2D. |