Plataforma motorizada optimizada para simulador dinámico de coches
| Data de defensa | 26/02/2021 |
| Titulación | Grao en Enxeñaría en Electrónica Industrial e Automática |
| Centro | Escola de Enxeñaría Industrial |
| Dirección |
Titoría: Enrique Paz Domonte |
| Tribunal |
Secretaría: Angel Manuel Espada Seoane Presidencia: Francisco Rodríguez Castro Vogalía: José Luis González Cespón |
| Resumo | Os simuladores de vehículos son un modelo de entretemento moi común, pero mais alá desta faceta, o propósito polo que foron deseñados foi para o adestramento de pilotos profesionais e tamén para conseguir melloras en vehículos (tanto de competición como vehículos utilitarios). Dende o punto de vista tecnolóxico, os simuladores son un interesante campo a explorar co fin de conseguir unha mellora das súas prestacións para que proporcionen sensacións cada vez máis realistas. O presente traballo céntrase na realización dun modelo a escala dunha plataforma motorizada para a recreación dun simulador de vehículos. Tomando como punto de partida unha plataforma de Gough-Stewart (6 GdL) realizase un modelo optimizado con 3+1 grados de liberdade (GdL). Con estas características é posible reproducir dunha forma adecuada todos os movementos que pode levar a cabo un vehículo terrestre. No proxecto haberá dúas partes diferenciadas: unha na cal se realiza unha simulación da plataforma, e outra na que se dá forma a unha maqueta física da mesma. Realízase un único deseño 3D que se empregará en ambos modelos, para así poder alcanzar unha maior similitude entre eles. Para o manexo da simulación empregase un joystick (igual aos dos mandos das videoconsolas, ou no seu defecto, os volantes dos simuladores reais), e a plataforma física reproduce simultaneamente os movementos e aceleracións obtidas da simulación. |