Análise computacional de MIPs para a deteción de cannabis
| Data de defensa | 23/02/2021 |
| Titulación | Grao en Química |
| Centro | Facultade de Química |
| Dirección |
Titoría: María de los Ángeles Peña Gallego Cotitoría: Sara Gil Guerrero |
| Tribunal |
Vogalía: Jorge Bravo Bernárdez Presidencia: Juan Pablo Hervés Beloso Secretaría: Paula Lorenzo Fernández |
| Resumo | O cannabis é unha das drogas máis consumidas no mundo. É unha substancia psicoactiva que posúe tanto propiedades antinflamatorias como alucinóxenas. O seu principal metabolito inactivo é o 11- nor-9- carboxi-Δ9- tetrahidrocannabinol. Existen varios métodos de detección do cannabis, sendo o máis usado nas rúas o baseado en inmunoensayos. Neste traballo expomos un novo método de detección desta substancia a partir dos polímeros de impresión molecular ( MIPS), dispositivos que teñen a capacidade de detectar de forma selectiva e específica unha substancia determinada. Foron descubertos en 1931 e posúen un amplo espectro de aplicacións, xa que serven como sustituyentes dos receptores biolóxicos. O obxectivo deste traballo consiste en establecer as interaccións intermoleculares que se forman entre o monómero EDMA e o principal metabolito do cannabis e determinar a enerxía de interacción entre eles. Conxuntamente, tamén se quere analizar o efecto da constante dieléctrica do medio comparando dous tipos de disolventes con constantes moi dispares. Para iso, realizouse un estudo computacional utilizando o método DFT, usando como funcional PB86 e base TZVP e deseñando distintos complexos formados polas moléculas de estudo. As principais vías de interacción establecidas entre as moléculas de EDMA e o metabolito son ligazóns de H entre o grupo acedo e o grupo alcol do metabolito co grupo carbonilo do EDMA. Os resultados obtidos do estudo permitirannos predicir que complexos se formarán e con iso indicar que relación metabolito- monómero hase de utilizar experimentalmente e en que medio de reacción consideramos que o proceso será máis exitoso para a polimerización do MIP. Palabras chave: cannabis, MIPs, interaccións intermoleculares, DFT. |