Revisión do efecto da acuicultura de mitílidos (Mollusca: familia Mytilidae) sobre a estructura dos poboamentos bentónicos.
Data de defensa | 22/02/2021 |
Titulación | Grao en Ciencias do Mar |
Centro | Facultade de Ciencias do Mar |
Dirección |
Titoría: Francisco Javier Rocha Valdes Cotitoría: Pablo Sanchez Jerez |
Tribunal |
Vogalía: Emilio Marañón Sainz Secretaría: Nicolás Otero Martínez Presidencia: Guillermo Francés Pedraz |
Resumo | Co paso dos anos, a acuicultura global non parou de expandirse, alcanzando unha produción récord. O cultivo de mexillóns é un tipo de acuicultura cuxa produción non parou de medrar, establecendo unha gran preocupación polo impacto que pode producir no medio ambiente. A alta produción acuícola do mexillón establece unha deposición valval no fondo, modificando a súa complexidade e establecendo cambios na abundancia e diversidade da fauna que o compón. O obxectivo deste estudo é sintetizar toda a información dispoñible sobre a influencia do cultivo de mitílidos na estrutura do bentos en artigos publicados en revistas: estudos que recollen o índice de impacto que a acuicultura fai sobre a comunidade bentónica establecendo o tamaño do efecto que produce. Estes estudos presentaron unha gran diversidade de enfoques en relación co método de mostraxe, as variables biolóxicas empregadas e a súa posterior análise. O impacto exercido polos sistemas de cultivo foi moderado, pero positivo, establecendo un aumento na abundancia de diferentes gupos e na riqueza de especies na área de cultivo. Ademais, obtívose que a comunidade bentónica asociada ó cultivo de mexillón ten menor diversidade e biomasa que nas zonas non cultivadas. Non obstante, non se atoparon diferenzas significativas entre os tratamentos, principalmente debido á variabilidade experimental entre estudos. Os aumentos máis significativos da abundancia producíronse en especies oportunistas como nematodos e poliquetos, así como en nemertinos, crustáceos e moluscos. Tamén se estableceu que o impacto en relación co tipo de sistema cultivo tamén é relevante, establecendo un maior efecto positivo nos sistemas de batea que nos sistemas de tipo long-line. PALABRAS CLAVE 'Acuacultura', 'Mexillón', ' Estrutura bentónica' 'Diversidade' e 'Impacto' |