Caracterización físico-química e microbiolóxica de solos urbanos da cidade de Santiago de Compostela
| Data de defensa | 18/02/2021 |
| Titulación | Grao en Bioloxía |
| Centro | Facultade de Bioloxía |
| Dirección |
Titoría: Maria Gomez Brandon |
| Tribunal |
Presidencia: María Paloma Morán Martínez Secretaría: Castor Muñoz Sobrino Vogalía: María Fuencisla Mariño Callejo |
| Resumo | A biodiversidade e conservación do solo é esencial debido ás múltiples funcións das que se encarga, como o sostén da produtividade vexetal e animal ou das infraestruturas, e o mantemento do benestar humano ao tratarse da base do sistema alimentario. En concreto, o mantemento do solo urbano é fundamental, xa que as cidades albergan aproximadamente ao 54% da poboación mundial. O obxectivo deste traballo fin de grao é caracterizar os solos urbanos da cidade de Santiago de Compostela dende unha perspectiva físico-química e microbiolóxica, seleccionando zonas verdes da cidade que difiren na súa litoloxía e uso do solo. Para iso determinouse a textura e o contido de nutrientes dos solos, así como a súa biomasa e actividade microbiana, e unha serie de actividades enzimáticas implicadas nos ciclos do carbono, nitróxeno, fósforo e xofre. Exponse como hipótese de traballo que a litoloxía e, sobre todo, o uso do solo influirán se maneira significativa sobre as propiedades físico-químicas e microbiolóxicas do solo, o cal se cumpre en maior ou menor medida en función do parámetro estudado. Palabras chave: Santiago de Compostela, solos urbanos, litoloxía, actividade enzimática, biomasa microbiana. |