Efecto dun programa de adestramento de 8 semanas en indicadores antropometricos e fisioloxicos de remeiros sub-elite participantes na Liga Galega de Traiñas do 2018
| Autoría | Mario Sotelo Dacosta |
| Data de defensa | 13/06/2019 |
| Titulación | Grao en Ciencias da Actividade Física e do Deporte |
| Centro | Facultade de Ciencias da Educación e do Deporte |
| Dirección |
Titoría: Telmo Silva Alonso |
| Tribunal |
Secretaría: Águeda Gutierrez Sánchez Vogalía: Lucas Carmelo González Matías Presidencia: Carlos Lago Peñas |
| Resumo | O propósito principal deste traballo foi avaliar a calidade dun programa de adestramento de 8 semanas integrado na Fase II da periodización realizada polos compoñentes dun equipo de remo tradicional participante na Liga Galega de Traíñas durante a tempada 2017-2018. 14 remeiros home (idade=25± 2,3 anos) realizaron durante 8 semanas un programa de adestramento entre o 1 de febreiro e o 2 de abril do 2018. Peso corporal (kg), peso graso (% peso corporal), masa muscular esquelética (kg), potencia aeróbica máxima (w) e potencia na zona de transición aeróbica-anaeróbica (w) foron os indicadores antropométricos e fisiolóxicos considerados. As variables antropométricas foron medidas de forma indirecta coa aplicación dos modelos de Yuhasz para a medición da graxa corporal e Lee para a determinación da masa muscular esquelética. Tanto a potencia aeróbica máxima como a potencia vencellada a zona de transición aeróbica-anaeróbica (ZT) foron determinadas a partires dunha proba de esforzo máximo e incremental sobre un dispositivo ergométrico estandarizado, especifico adaptado o ciclo da padexada do remo tradicional. Para comprobar os cambios fisiolóxicos producidos coa aplicación deste programa comparáronse as medianas antes e despois da intervención coa proba Wilcoxon para dúas mostras relacionadas. A d-Cohen aplicouse para establecer o tamaño do efecto establecendo p < 0,05 como valor da significancia estatística en todas as probas. Os resultados mostraron diferenzas estatisticamente significativas (p<0,05) e pequenas melloras no peso (kg), o peso graso (%peso), o peso muscular (%peso), a potencia máxima aeróbica e a potencia máxima aeróbica relativa (w.kg-1) despois da intervención. Con este traballo pódese concluír que un programa de adestramento cruzado, piramidal e concorrente de 12 h.semana-1 durante 8 semanas pode producir melloras en indicadores antropométricos e fisiolóxicos claves para o rendemento en regatas de traíñas en remeiros sub-élite. Palabras clave: Rendemento en remo, adestramento en remo, potencia aeróbica máxima, potencia critica |