Analise e mellora la loxística farmacéutica mediante técnicas Lean nun centro hospitalario.
| Data de defensa | 15/09/2023 |
| Titulación | Grao en Enxeñaría en Organización Industrial |
| Centro | Escola de Enxeñaría Industrial |
| Dirección |
Titoría: Arturo José Fernández González |
| Tribunal |
Secretaría: María de los Angeles Sandoval Pérez Presidencia: Begoña Urgal González Vogalía: Antonio Fernández Álvarez |
| Resumo | Este proxecto ten como obxectivo principal mellorar a calidade de atención ao paciente hospitalizado dende o Servizo de Farmacia (SFH) do Hospital Álvaro Cunqueiro (HAC) mediante a análise e optimización dos procesos da cadea de subministración e distribución farmacéutica achegándoos ao concepto de Just-In-Time (JIT), desde a recepción da medicación e o proceso de distribución até a entrega aos efectores finais. O SFH da Área Sanitaria de Vigo é un eixo loxístico de distribución de medicación; inclúe os centros de saúde, consultorios, centros sociosanitarios, e hospitais da área, dos cales o HAC é o de maior tamaño e o máis complexo; a súa superficie construída é de 285.000 metros cadros distribuída en 5 edificios anexos, 9 pisos, e 4 deles contan con hospitalización: cada planta posúe 6 seccións denominadas "velas", cada unha das cales posúe unha unidade de enfermaría (DUE) como unidades funcionais a efectos de distribución final de medicamentos. O cadro de persoal do CHUVI compono 4.576 profesionais dos que 92 son pertencentes ao SFH do CHUVI, que, fisicamente, sitúase en 2 plantas non comunicadas situadas na vea f, plantas -1 e -2. O proceso de distribución de medicamentos comeza coa recepción, clasificación e envío a cada un dos subalmacenes do SFH. A necesidade de medicación dos pacientes é cuberta de 2 maneiras: tanto a distribución de dose unitaria (unidosis), como a demanda urxente (extrema urxencia con mobilización de celador propio da planta que demanda e prioritaria con celador circulante do SFH que entrega en horarios concretos), requiren validación individualizada das prescricións médicas electrónicas. O servizo de unidosis préstase a unha media de 1.220 camas para as 20 velas de hospitalización que non posúen armarios automáticos de tipo pixis (4 veas). No proceso de picking interveñen directamente 8 farmacéuticos e de 4 a 6 técnicos de farmacia para crear os carros por cada período de 24 horas (48 en festivos), prescritos por ao redor de 150 médicos, distribuídos por 20 celadores de planta. A distribución desenvólvese mediante carros de 44 caixóns; cada caixón correspóndese cunha cama e un único paciente. Cada día procésase unha media de 880 caixóns, 276 movementos (colocar na dose adecuada para 24 horas dun determinado medicamento) por carro. En conxunto, supoñen 1.650.480 movementos ao ano, e a distribución de 5.980 carros ao ano. Os medicamentos non usados polas circunstancias clínicas cambiantes devólvense á farmacia e deben ser reordenados e clasificados adecuadamente, xa que ao non ser abertos son aptos para uso posterior. O proxecto baséase na aplicación de ferramentas de análise do traballo e principios do Lean Management para optimizar os fluxos de traballo mediante a estandarización das tarefas tras mellorar a organización do persoal implicado. O obxectivo é lograr unha atención máis eficiente e segura, cunha distribución adecuada dos medicamentos e unha xestión adecuada dos recursos dispoñibles. Co método desenvolvido conséguense mellorías modificando algúns dos pescozos de botella, tales como, minimizar accións que non achegan valor ao proceso na preparación dos caixóns e os carros que suporían un aforro de 35.508,76 ?/ano, ou coa diminución das devolucións de 108.675,84 ?/ano. |