Inclusión financeira. Especial referencia á España vaciada e ó cliente sénior
| Autoría | David Fernández Eiré |
| Data de defensa | 04/07/2022 |
| Titulación | Grao en Administración e Dirección de Empresas |
| Centro | Facultade de Ciencias Económicas e Empresariais |
| Dirección |
Titoría: Sonia Margarita Rodríguez Parada |
| Tribunal |
Titoría: Sonia Margarita Rodríguez Parada |
| Resumo | A sustentabilidade e o desenvolvemento sostible son elementos fundamentais na actualidade unificando nunha única realidade os criterios ambientais, económicos e sociais e todo isto con atención á consecución dos obxectivos de desenvolvemento sostible das Nacións Unidas para o 2030. O sector financeiro xoga un papel moi importante nesta cuestión pola súa importancia na economía das nacións e o benestar da sociedade, isto lévanos ao concepto de finanzas sostibles como a conxunción dos criterios anteriores e como base do negocio bancario; as tres grandes entidades financeiras de España non son alleas a esta realidade. Dentro dos criterios sociais, a inclusión financeira xoga un papel fundamental. A inclusión financeira, que está baseada no acceso aos servizos financeiros básicos é un asunto clave para lograr o desenvolvemento económico e social para todos, e na que traballan con forza a gran maioría dos países, diferentes organizacións financeiras e entidades do mundo, co fin de reducir a pobreza e as desigualdades sociais; un dos organismos máis activos neste campo é o Banco Mundial. A inclusión financeira, con todo o seu conxunto de políticas, regulamentos e coñecementos é a clave para tratar os diferentes tipos de exclusión financeira á que está sometida unha importante capa da poboación mundial; para conseguilo, a educación financeira e a contribución das novas tecnoloxías xogan un papel destacado. Neste contexto, o propósito deste traballo é analizar a realidade española no campo da inclusión financeira, ver en que situación se trata en comparación con outros países outros países e profundizar nas accións que se están a realizar para avanzar neste logro sostible. Este TFG centra a atención da inclusión financeira en dúas áreas de especial vulnerabilidade: a exclusión financeira de España baleirada, motivada polo peche das oficinas bancarias e o illamento financeiro que a era da dixitalización bancaria produce en parte da clientela maior. Neste sentido, as tres principais entidades bancarias españolas serán obxeto de análise. Palabras clave: Obxectivos de desenvolvemento sostible (ODS), finanzas sostibles,inclusión financeira, exclusión financeira, sucursais bancarias, España baleirada, cliente maior |