Descrición | Dado que a maioría dos traballos lexicográficos e terminolóxicos referentes á carpintaría de madeira se caracterizan por ser demasiado xerais, este traballo pretende ser unha ferramenta que recolla dun xeito máis completo e exhaustivo o léxico que compón este campo de especialidade. Ademais, o corpus de máis de 1750 entradas en galego, ó índice castelán de máis de 1550 equivalencias, e os tres anexos -que conteñen as características principais de 60 clases de madeira, 70 fotografías de ferramentas e mobles, e un pequeno refraneiro- que conforman este vocabulario queren ser tamén unha pequena achega tanto ao repertorio terminolóxico da lingua galega como á súa normalización. |