As nosas árbores. Campus As Lagoas-Marcosende, Vigo

Categoría	Monografías. Serie Científico-Tecnolóxica (Banda Azul)
ISBN/ISSN	978-84-1188-101-2
DOI	https://doi.org/10.35869/1188.012
Número de serie	35
Formato	17 x 24 cm
Ano de edición	2026
Número páxinas	191
Prezo	10.00 €
Autores	Marta Pérez Diz, María Otero Alonso, Seyla Gil Barbeitos
Descrición	O Campus de Lagoas-Marcosende non é só un lugar de aprendizaxe: é tamén un espazo verde cheo de vida, onde as árbores contribúen ao equilibrio do entorno, ofrecendo sombra, aire limpo e refuxio para as aves e pequenos animais presentes na contorna. Esta guía convida a todos a descubrir a diversidade e a beleza da flora arbórea que nos acompaña día a día. Cada árbore ten a súa propia historia: dende as que levan décadas acompañando a vida universitaria ata as máis recentes, plantadas para conservar e enriquecer a biodiversidade do campus. Nas páxinas desta guía atoparás información sinxela e clara sobre as especies máis representativas: a súa orixe e distribución, as súas características máis destacables e os seus usos máis habituais. As fichas inclúen imaxes que facilitan a identificación das árbores no campo, facendo a experiencia máis práctica e visual. Dirixida a estudantes, profesionais e a calquera persoa interesada no noso entorno, esta guía combina rigurosidade e divulgación, permitindo gozar da natureza mesmo sen ser experto en botánica. O seu obxectivo é achegar o lector á riqueza arbórea do campus e fomentar un vínculo máis profundo co medio que nos rodea. Benvido a un percorrido pola vida verde do campus, onde cada árbore conta a súa propia historia.