SOLICITUDE DE RECOÑECEMENTO DE ACTIVIDADES FORMATIVAS COMA FORMACIÓN PERMANENTE DO PROFESORADO

A Área de Formación e Innovación Educativa tenta cubrir as necesidades formativas básicas do profesorado, mais é consciente de que non pode abarcar todas as competencias que abranguen a docencia universitaria. Por este motivo recoñecerá coma formación permanente do profesorado as actividades formativas que se desenvolvan nas facultades, escolas, institutos ou órganos da Universidade de Vigo e que teñan relación coas competencias docentes do profesorado universitario.

REQUISITOS

• A temática da formación ten que estar relacionada coas competencias docentes do profesorado universitario.
• O recoñecemento tense que solicitar polo menos dous meses antes de que se realice a actividade.
• A actividade será financiada polos organismos promotores da actividade.
• O número mínimo de horas recoñecidas para cada actividade de formación será de 8 horas e o número máximo será de 25 horas.
• Quedan excluídos desta modalidade os congresos e xornadas de difusión de coñecemento agás aquelas especificamente relacionadas coas competencias profesionais do persoal docente universitario.
• Estas actividades formativas so se lle recoñecerán ao profesorado da Universidade de Vigo.
• O número mínimo de participantes docentes (figuras da LOSU-LOU ou persoal investigador con carga docente) ten que ser igual ou superior a 15.
• Coordinación da actividade:
  • A actividade formativa ten que estar coordinada por só unha persoa. Esta persoa será a que solicite a actividade e entregue a memoria do recoñecemento.
  • Esta función será acreditada cun diploma.
  • Esta persoa velará pola protección de datos das persoas participantes na formación.
• Docencia da actividade:
  • O profesorado das actividades formativas recibirá un diploma acreditativo que será incompatible co diploma de participación.
  • Só se impartirá o diploma de impartición ás persoas docentes que impartan como mínimo 4 horas de docencia.

PROCEDEMENTO

• Cubrirase este formulario.
• Recibirá a recepción da proposta.
• A proposta será avaliada polo Centro de Posgrao e Formación Permanente.
• Comunicaráselle a aceptación/rexeitamento da proposta a través do correo electrónico.
• Ao finalizar a actividade formativa a persoa que coordine a actividade presentará a memoria da actividade e a listaxe de asistentes á Área de Formación e Innovación Educativa. Os documentos descargaranse na seguinte ligazón  (https://secretaria.uvigo.gal/uv/web/formularios/encuesta/cubrir_paso1/2921) e despois de cubrilos e asinalos dixitalmente engadiranse ao formulario xunto coa listaxe de asistentes.
• Despois de que se verifique a información aportada na memoria habilitarase unha enquisa de avaliación e prepararanse os diplomas para descargar desde a plataforma Moovi. 

Se ten algunha dúbida pode poñerse en contacto co Área de Formación e Innovación Educativa (cpfp.innovacion@uvigo.gal/986 812 035).