Procedemento:

-Cubrir este formulario-solicitude. Unha vez cumprimentado, premer no botón "Imprimir PDF",  descargar o formulario cuberto e asinalo con certificado dixital. Este será o documento que se presentará na sede electrónica, segundo as indicacións do seguinte paso.

-Dentro do prazo de solicitudes (dende 00:00 horas do día 15 de xullo de 2026 ata as 23:59 horas do día 31 de xullode 2026), acceder á sede electrónica da Universidade de Vigo (https://sede.uvigo.gal), elixindo o procedemento “VIII Edición dos Premios de Investigación, Transferencia e Divulgación Científica do Campus Auga da Universidade de Vigo”.  Despois de ler a información deberase premer no botón “INICIAR TRAMITACIÓN”.   No campo "Documentación" engadirase o documento PDF xerado. De seguido, premer en "enviar solicitude".

O "xustificante de presentación en sede" xerado inclúe a ligazón e o contrasinal de acceso que se precisará para cargar o traballo ou mérito que se presenta á convocatoria. Dito arquivo co traballo ou mérito debe nomearse co número de xustificante de presentación na sede e seguirá o modelo Anexo I que acompaña á convocatoria.

Información básica sobre a protección dos seus datos.-

Responsable: Universidade de Vigo

Finalidade: xestionar a convocatoria “VII Edición dos premios de investigación, transferencia e divulgación científica do Campus Auga da Universidade de Vigo”.

Lexitimación: artigo 6.1e) do RXPD, o tratamento dos datos é necesario para o exercicio de poderes públicos conferidos ao responsable do tratamento, con base na Lei Orgánica 2/2023, do 22 de marzo, do Sistema Universitario.

Cesións: o nome, DNI e datos bancarios das persoas autoras dos méritos premiados nas categorías A e E serán comunicados a Viaqua, S.A.U., co fin de que faga efectivo o importe dos Premios, tal como se establece na base segunda.

Dereitos: as persoas interesadas poderán exercitar os seguintes dereitos: Acceso, rectificación, supresión, limitación do tratamento, oposición e, no seu caso, portabilidade dos datos.

Procedencia da información: a propia persoa interesada ou o seu representante legal.

Información adicional: https://www.uvigo.gal/proteccion-datos