Nos pasos seguintes poderá vostede achegar ao Servizo de PDI a documentación para a formalización do seu contrato laboral como PDI da Universidade de Vigo, así como a documentación  esixible para iniciar un procedemento de compatibilidade en caso de estar a prestar outros servizos ou a desenvolver actividades simultáneamente co contrato na UVigo.

A documentación que debe aportar é a seguinte:

DOCUMENTACIÓN PARA FORMALIZAR O CONTRATO

Se se trata do seu primeiro contrato coa UVigo:

1. Certificado oficial ou informe médico
2. Certificado da Vida Laboral
3. Datos bancarios completos selados polo banco (co código IBAN)
4. Anexo I (Para o caso de persoas que NON compatibilizan este contrato con outra actividade laboral ou profesional.) Modelo

Se xa tivo contratos coa UVigo anteriormente:

1. Certificado da Vida Laboral
2. Anexo I (Para o caso de persoas que NON compatibilizan este contrato con outra actividade laboral ou profesional.) Modelo
3. Certificado oficial ou informe médico (só se perdeu vinculación coa UVigo durante 6 meses ou máis)

Se compatibilizarán o seu contrato na UVigo con outra actividade laboral ou profesional, deberán ademáis achegar a documentación que se indica no seguinte apartado.

DOCUMENTACIÓN PARA SOLICITAR A COMPATIBILIDADE

En todos os casos debe presentar:

1. Impreso de solicitude de compatibilidade
2. Anexo III
3. Declaración xurada

(pode descargar os modelos destes documentos na web da UVigo.)

Ademáis da documentación anterior, se se trata dunha compatibilidade como traballador/a por conta allea nunha empresa privada deberá achegar:

1. Certificado da empresa no que consten a actividade que realiza nela, así como a xornada e horarios. 

2. Certificación na que conste se o capital da empresa está participado, directa ou indirectamente, por calquera Administración Pública e, de ser así, en que porcentaxe.

3. Certificación na que conste se a empresa percibe subvención ou similar, por calquera Administración Pública e, de ser así, en que porcentaxe.

En caso de ser empregado/a público/a poderá dirixir a súa solicitude á UVigo ou á outra administración na que presta servizos. Se a dirixe á outra administración teña en conta que deberá presentar na UVigo, a efectos informativos, copia da devandita solicitude.

Dispón de máis información sobre compatibilidades na web da UVigo.