Segundo a Orde ISM/386/2024, de 29 de abril, recoñeceranse como tempo cotizado as prácticas non remuneradas realizadas antes do 1 de xaneiro de 2024 e as prácticas remuneradas realizadas antes do 1 de novembro de 2011.

Para recoñecer este tempo de prácticas, as persoas interesadas deberán solicitar a subscrición dun convenio especial coa Seguridade Social e acreditar a duración deses períodos de formación.

Polo tanto calquera persoa titulada pola UVigo que queira acollerse a este convenio necesitará unha certificación co detalle das prácticas realizadas.

Se vde foi estudante da UVigo e necesita unha certificación co detalle das prácticas realizadas, cubra este formulario e remitirémoslle o certificado por correo electrónico.

Lembre que se realizou distintas prácticas ao longo dos seus estudos debe indicar as súas características de forma independente (unha por formulario)