Secretaría Uvigo

O novo curso académico 2016/2017 continúa con novidades na Área de Benestar, Saúde e Deporte. Seguimos coas inscricións on-line (www.deporxest.uvigo.es) e a posibilidade de pago con tarxeta bancaria.

Xa podes adquirir o teu abono, inscribirte nas Escolas Deportivas e Centros Deportivos Abertos ou reservar a túa cita nos servizos de sáude!!

> QUE IDES A ATOPAR NOS DIFERENTES PROGRAMA DE ACTIVIDADES? 

> CAMPUS DE OURENSE:

- Uso puntual das instalacións da Área de Benestar, Saúde e Deporte (pista polideportiva cuberta, pistas de squash, sala cardio - fitness, área de tenis de mesa, pista de tenis, pista de atletismo e campo de herba sintética para a práctica do fútbol/rugbi) e das instalacións do CDU-AQA Ourense (piscina, sala cardio - fitness e sala de actividades dirixidas)

- Abonos da Área de Benestar, Saúde e Deporte (Abono Atletismo, Tarxeta Deportiva Universitaria e Tarxeta Ponte en Forma) ou do CDU-AQA Ourense (Abono matinal e Abono completo).

- Actividades de fitness gratuítas para persoas aboadas: ciclo indoor, aerojump - GAP, Power Dumbell e Boot Camp 

- Escolas Deportivas de pilates, ioga, xadrez, danza oriental, tai chi, aeróbic, defensa persoal, salsa bachata, street dance, ritmos latinos, natación, pádel, aquagym, squash, voleibol, rugbi, balonmán, tenis, entre outras. 

- Posibilidade de acceso aos segintes Centros Deportivos Abertos asociados á Área de Benestar, Saúde e Deporte: Ximnasio Sabrosura e Ximnasio Saraiba.

> CAMPUS DE PONTEVEDRA:

- Uso puntual das instalacións da Área de Benestar, Saúde e Deporte (sala cardio - fitness, pista polideportiva e área de tenis de mesa).

- Abonos da Área de Benestar, Saúde e Deporte (Abono Atletismo, Tarxeta Deportiva Universitaria e Tarxeta Ponte en Forma).

- Actividades de fitness gratuítas para persoas aboadas: pilates, HIIT, ciclo indoor, GAP - stretching.

- Posibilidade de acceso aos segintes Centros Deportivos Abertos asociados á Área de Benestar, Saúde e Deporte: Centro Budo, Ximnasio Ardeas, C.D. Rías do Sur e Ximnasio Campolongo.

> CAMPUS DE VIGO:

- Uso puntual das instalacións da Área de Benestar, Saúde e Deporte (sala de actividades dirixidas, sala de xadrez. pista polideportiva cuberta, área de tenis de mesa, rocódromo, sala cardio -fitness, pistas de tenis, campo de céspede sintético, campo de herba natural, pista de atletismo e pista de footing) e das instalacións do SOOM CDU Vigo (piscina, sala cardio - fitness, sala de actividades dirixidas e pistas de squash).

- Abonos da Área de Benestar, Saúde e Deporte (Abono atletismo, TDU e TDU Ponte en Forma) e do SOOM CDU Vigo (Abono matinal universitario e Abono completo universitario).

- Actividades de fitness gratuítas para persoas aboadas: abdominais express, running saudable, estiramentos, circuit training, adestramento en suspensión,...

- Escolas Deportivas de escola acrobática, xadrez, ioga, tenis, natación ou bailes.

- Posibilidade de acceso aos segintes Centros Deportivos Abertos asociados á Área de Benestar, Saúde e Deporte: CD Lanzalía, CD Coliseum, Ximnasio C. Simón, IFitness, TR Sport & Spa, Ximnasio Escola Vigo, Vigoentrena, EDAM, Mega Sport Center e Ximnasio Tao.

E + ACTIVIDADES!

E, se para ti aínda non é suficiente, en breve poderás consultar tamén a información sobre o programa de Rutas Culturais, as Ligas Universitarias, as competicións interuniversitarias, os programas Augaventura ou Delecer, os servizos de medicina deportiva e fisioterapia, o Trofeo Universidade de Vigo de Carreiras de Orientación ou a XI edición da carreira HappyGoRunning.