Secretaría Uvigo

Con data do 12 de xullo de 2014, publicouse no BOE a convocatoria de bolsas de colaboración de estudantes en departamentos universitarios para o curso 2014-15.

A solicitude debe cubrirse e presentarse on line na dirección https://sede.educacion.gob.es no apartado correspondente a trámites e servizos. Xunta coa solicitude débese achegar en formato pdf un esquema do proxecto de colaboración e a avaliación deste polo departamento correspondente. Asemade, a solicitude poderá presentarse na forma establecida no artigo 38 da Lei 30/1992.

O prazo para solicitar a devandita bolsa abrangue dende o 15 de xullo ao 15 de setembro de 2014 inclusive.

A convocatoria é basicamente igual que en cursos anteriores, salvo unha excepción, referida aos requisitos académicos da nota media esixida:

            7,25 puntos para a rama de Enxeñaría

            7,70 puntos para as ramas de Ciencias ou Ciencias Experimentais e para Ciencias Sociais e Xurídicas

            7,80 puntos para as ramas de Ciencias da Saúde

            8,00 puntos para a rama de Artes e Humanidades

Asemade, para máis información poden consultar o seguinte enlace da páxina web da Universidade de Vigo http://bolsas.uvigo.es/GestorBecas/user/Becas.do?accion=listAnexos&idBeca=49&

Francisco Javier Maneiro Porto

Xefe do Negociado doutras Bolsas