Secretaría Uvigo

Entre o 19 e o 25 de outubro de 2026 celébrase a Semana Internacional do Acceso Aberto, que este ano se centra no tema "O prezo do coñecemento". 

Nesta semana, a Área de Servizos Bibliométricos da Biblioteca publica un informe sobre as publicacións científicas da Universidade de Vigo en acceso aberto entre os anos 2016 e 2025, que continúa a serie de informes que comezara no ano 2020. Todos eles se poden consultar na biblioguía Informes bibliométricos, xunto aos informes anuais, informes temáticos e outros informes elaborados pola Biblioteca.

Os datos proceden da análise das publicacións da Universidade de Vigo indexadas en Web of Science (WoS); entre eles destacamos:

• WoS recolle 11122 publicacións da Universidade de Vigo en acceso aberto dos anos 2016 a 2025.
• Estas publicacións supoñen o 60,94% do total de publicacións da Universidade de Vigo deses anos indexadas en WoS.
• O impacto normalizado desas publicacións en acceso aberto sitúase en 1,27 (reciben un 27% máis de citas que a media das publicacións do mesmo tipo, ano e ámbito) por riba do 1,09, que é o impacto normalizado do total dos documentos da UVigo nese mesmo período.
• Os ámbitos científicos nos que a Universidade de Vigo presenta unha porcentaxe superior de publicación en acceso aberto son:
  • Ciencias da terra, cun 72,31%
  • Física, cun 70,53%
  • Química, cun 68,21%

Consulta a biblioguía Informes bibliométricos para acceder ao informe completo.

Máis información:

Beatriz Tizón
Biblioteca da Universidade de Vigo
Área de Servizos Bibliométricos
Tel. 986 130 236
bibliometria@uvigo.gal