Secretaría Uvigo

Prezadas e prezados membros do PDI:

Dende a Vicerreitoría de Internacionalización queremos informarvos da publicación da Instrución sobre o procedemento simplificado para a inclusión de materias de grao e mestrado nos programas English Friendly, Português Amigável, Français Amical e Italiano Amichevole para o curso 2026-2027.

O obxectivo deste programa é favorecer a internacionalización en casa da nosa oferta docente, facilitando a participación de estudantes internacionais nas nosas aulas e visibilizando o compromiso da UVigo cun contorno académico multilingüe e aberto.

Cómpre salientar que estas modalidades non son excluíntes entre si; unha mesma materia pode ofertarse como friendly en varias linguas simultaneamente.

Lembrámosvos que:

• A participación neste programa suporá un criterio de desempate nas convocatorias de mobilidade Erasmus para PDI.
• Poderase incorporar como mérito no programa DOCENTIA.

Para calquera dúbida ou consulta adicional, podedes contactar no correo electrónico: internacional@uvigo.gal.

Animámosvos a participar e a contribuír a facer da UVigo unha universidade aínda máis aberta ao mundo (vídeo).

Un cordial saúdo,