Secretaría Uvigo

Vén de poñerse en marcha unha enquisa dirixida á comunidade universitaria (estudantado, PDI e PTXAS) para coñecer como realiza os seus desprazamentos e colaborar así no cálculo da pegada de carbono e na mellora das políticas de mobilidade nos vindeiros anos.

Tamén anima os membros da comunidade a probar o vehículo autónomo que conecta distintos edificios do campus de Vigo e a valorar o seu servizo escaneando o código QR no interior do coche durante o percorrido. 

O estudantado e o persoal que respondan a enquisa de mobilidade ou valoren o servizo do vehículo autónomo da UVigo poderán gañar un patinete eléctrico.

• Enquisa de mobilidade (formulario en liña)
 
• Valoración do vehículo autónomo (QR no coche)

O prazo de participación permanecerá aberto ata o 15 de xuño de 2026, ás 14:00 horas. En caso de rexistros repetidos, só se contabilizará un por persoa.

O sorteo será público e terá lugar na sede da Oficina de Medio Ambiente (OMA) o día 22 de xuño de 2026, ás 12:00 horas. Para isto, anonimizaranse os datos persoais e empregarase unha plataforma dixital de sorteos.

Contactarase coa persoa afortunada para entregarlle o premio o día 30 de xuño nas instalacións universitarias.

Moitas grazas por colaborar!