Secretaría Uvigo

Durante o mes de marzo terán lugar varias sesións de formación en liña gratuítas, organizadas por JoVE, dirixidas a profesorado, persoal investigador e persoal bibliotecario. As sesións formativas, de 60 minutos de duración, impartiranse en lingua inglesa e é imprescindible rexistrarse coa conta de correo institucional.

JoVE (Journal of Visualized Experiments) é unha plataforma de vídeos científicos á que a Universidade de Vigo ten acceso por mor dunha subscrición xestionada pola Biblioteca Universitaria. 

Mércores, 18 de marzo de 12:00-13:00 h. Making research methods click for Psychology students. Inscrición

• Aprender como as explicacións visuais poden desmitificar o deseño da investigación, as variables e a interpretación dos datos.
• Ver exemplos que axudan o alumnado a conectar métodos con cuestións psicolóxicas reais.
• Explorar vídeos curtos para reforzar a lóxica experimental e apoiar a ánalise na clase.

Mércores, 18 de marzo de 12:00-13:00 h. Using demonstrations and simulations to teach problem solving in Physics and Engineering. Inscrición

• Explorar estratexias eficaces para ensinar a resolución de problemas e o razoamento en varios pasos mediante demostracións e simulacións.
• Aprender como o profesorado deseña problemas que revelan o pensamento do alumnado e apoian unha comprensión conceptual profunda.
• Observar como os educadores usan os vídeos para visualizar procesos, clarificar conceptos abstractos e mellorar os resultados.

Mércores, 18 de marzo de 15:00-16:00 h. The pulse of AI in academic libraries (para bibliotecarias/os). Inscrición

• Como a intelixencia artificial está remodelando o apoio á investigación nas bibliotecas académicas.
• Que deben ter en conta as/os bibliotecarias/os para avaliar e integrar ferramentas impulsadas pola intelixencia artificial.
• Exemplos prácticos de IA na educación e investigación (JoVE Visualize e JoVE Copilot).

Mércores, 18 de marzo de 17:00-18:00 h. Brinding Business theory into real-world context. Inscrición

• Explorar estratexias prácticas para levar a teoría empresarial ao contexto do mundo real a través da ensinanza aplicada baseada en casos.
• Aprender como o profesorado deseña módulos de aprendizaxe empresarial e mide o impacto nos resultados do alumnado.
• Observar como o profesorado usa os vídeos para visualizar conceptos, fortalecer a participación e apoiar a ensinanza eficaz.

Xoves, 19 de marzo de 13:00-14:00 h. Linking theory to experiment in Chemistry. Inscrición

• Explorar estratexias para vincular a teoría química coa evidencia experimental.
• Aprender como o profesorado avalía o razoamento químico, aborda temas complexos e axuda ao alumnado a sintetizar conceptos.
• Observar como o profesorado usa os vídeos para visualizar experimentos, aclarar ideas abstractas e redeseñar cursos de Química.

Xoves, 19 de marzo de 13:00-14:00 h. Preparing Biology students before they enter labs. Inscrición

• Aprender como a preparación visual axuda o alumnado a comprender os protocolos, as técnicas e as expectativas antes das prácticas de laboratorio.
• Mirar exemplos que axudan a aclarar os pasos experimentais e reducen a confusión durante as sesións de laboratorio.
• Explorar como os vídeos curtos poden reforzar a seguridade, os métodos e a preparación conceptual.

Xoves, 19 de marzo de 13:00-14:00 h. Teaching clinical skills through demonstration. Inscrición

• Aprender como a demostración visual axuda á adquisición de habilidades e confianza nos procedementos.
• Ver exemplos de como se ensinan as técnicas clínicas paso a paso a través de vídeos.
• Explorar como os recursos preparan o alumnado antes da práctica e a avaliación.

Xoves, 19 de marzo de 14:00-15:00 h. Publish for impact: Vídeo articles to boost visibility and citations. Inscrición

• Descubrir como o persoal investigador pode aumentar a visibilidade, o alcance e o potencial das citas do seu traballo mediante publicacións baseadas en vídeo.

Toda a información sobre inscrición e acceso está na páxina de seminarios web de JoVE.

Para calquera dúbida, diríxase a:

Biblioteca da Universidade de Vigo
Sección de Soporte á Aprendizaxe e á Investigación
Biblioteca Central, Campus Lagoas-Marcosende
36310 VIGO
Tel. 986 813843
referencia@uvigo.gal
@biblio_uvigo