Secretaría Uvigo

A Área de Servizos Bibliométricos da biblioteca universitaria achega o informe As publicacións científicas da Universidade de Vigo en Acceso aberto. Semana do Acceso Aberto 20 ao 26 de outubro de 2025, un estudo sobre as publicacións en acceso aberto producidas polo persoal investigador desta universidade entre 2015 e 2024, usando como fonte Web of Science.

O obxectivo é presentar os datos sobre a evolución da participación da universidade no movemento polo acceso aberto.

Os datos máis destacados para os anos 2015-2024 son:

• O 53,62% do total de documentos da Universidade de Vigo indexados en WOS está en acceso aberto.
• Os documentos da Universidade de Vigo en acceso aberto acadan un impacto normalizado en WOS de 1,29, o que supón que reciben un 29% máis de citas que a media dos documentos do mesmo ano e ámbito temático. Este indicador está por riba do conxunto das publicacións da universidade indexadas en WOS nese período (1,09).
• Os ámbitos temáticos nos que a Universidade de Vigo publicou unha porcentaxe máis elevada de documentos en acceso aberto son física (66,96%), ciencias da terra (65,59%) e economía e estatística (62,05%).

Esperamos que esta información sexa do voso interese, e agardamos as vosas dúbidas, comentarios e suxestións.

Un saúdo,

Beatriz Tizón Vázquez

Biblioteca da Universidade de Vigo

Servizo de Bibliometría

Biblioteca Central

Campus Lagoas, Marcosende, Vigo

Teléfono 986 130 236