Secretaría Uvigo

Durante as próximas semanas eliminaranse aproximadamente 180 unidades de piñeiro común (Pinus pinaster) de varias zonas do campus de Vigo, debido ó risco de caída e desprendemento de pólas, acentuado sobre todo cando se dan condicións meteorolóxicas adversas.

Son exemplares localizados na contorna de aparcadoiros, de sendas peonís, de edificios e de infraestruturas do campus que máis veñen sufrindo caídas de copas e pólas nos últimos meses.

As zonas afectadas son as seguintes:

• Noiros das Facultade Ciencias do Mar e Químicas (1).
• Aparcadoiro da Escola de Enxeñería de Telecomunicacións (2).
• Aparcadoiro da Facultade de Económicas e Empresariais - Facultade de Filoloxía e Tradución (3).
• Aparcadoiro da Facultade de Ciencias do Mar - Senda de cara ás praderías (4).
• Contorna sur do aparcadoiro do edificio Filomena Dato (5).
• Contorna da Facultade de Económicas e Empresariais (6).
• Contorna do CiTexVi - Facultade de Ciencias Xurídicas e do Traballo (7).
• Contorna das casas no linde do campus - parcela cara ó Mercantil (8).

Se algún vehículo debe permanecer aparcado durante varios días seguidos nestas zonas do campus, solicitamos que se faga fóra das zonas dos aparcadoiros afectadas pola corta.

As parcelas afectadas, e trala corta, replantaranse con especies axeitadas a estas contornas, preferentemente autóctonas.

Para acometer os traballos de corta, cada localización afectada poderá ser balizada previa e temporalmente.

O calendario destes traballos comezará durante o período de peche do mes de agosto e poderá estenderse ata ben entrado o inverno. Iranse actualizando os avisos segundo se vaian acometendo as distintas zonas.

Desculpen as molestias.

Achégase enlace ao plano de situación.

Acceso ó plano coas zonas afectadas pola corta: Tala Piñeiros 2025.pdf

Un saúdo.

Oficina de Medio Ambiente da Universidade de Vigo (OMA).