Secretaría Uvigo

Prezado Persoal Docente e Investigador:

Desde a Oficina de Proxectos Internacionais-Área Educativa (OPI), temos o pracer de convidarvos á xornada informativa: novas oportunidades de financiamento europeo. Programa Europa Creativa (convocatoria de proxectos europeos de cooperación nos sectores cultural e creativo e a convocatoria Innovation Lab); e o Programa CERV (convocatoria de compromiso e participación da cidadanía e a convocatoria DAPHNE).

Data e lugar da xornada: 24 de marzo no Campus de Pontevedra. 12.00h-13.30h.
Presencialmente: seminario 306, Facultade de Comunicación.
Asistencia virtual: https://campusremotouvigo.gal/access/public/meeting/220355598

PROGRAMA

• 12.00 - 12.15. Apertura da xornada. Eva María Lantarón Caeiro, Vicerreitora do Campus de Pontevedra.
• 12.15 - 12.45. Programa Europa Creativa. Convocatoria de proxectos europeos de cooperación nos sectores cultural e creativo (CREA-CULT-2025-COOP) e Convocatoria Innovation Lab (CREA-CROSS-2025-INNOVLAB). Alberto Rellán López, Técnico de Promoción de Proxectos Internacionais de Investigación e Educación.
• 12.45 - 13.15. Programa CERV (Cidadanía, Igualdade, Dereitos e Valores). Convocatoria de compromiso e participación da cidadanía (CERV-2025-CITIZENS-CIV) e convocatoria DAPHNE (CERV-2025-DAPHNE). Eva Garea Oya, Directora de Área de Proxectos Internacionais de Educación.
• 13.15 - 13.30. Peche da xornada: preguntas, comentarios e conclusións.

Inscricións: para participar na xornada, a inscrición realízase a través do seguinte formulario. Unha vez realizada a inscrición e se escolleu a participación de forma virtual, recibirá antes do comezo da xornada o contrasinal para a conexión en liña.

Estes dous programas europeos son relevantes para o Campus CREA, dadas as áreas de especialización deste campus.

• O Programa Europa Creativa:
• a través da súa convocatoria de proxectos europeos de cooperación, o programa ten como obxectivos salvagardar, desenvolver e promover a diversidade cultural e lingüística europea e o patrimonio; e aumentar a competitividade e o potencial económico dos sectores culturais e creativos, en particular, do sector audiovisual.
• a convocatoria Innovation Lab apoia o deseño, desenvolvemento e difusión de ferramentas, modelos ou solucións innovadoras aplicables ao sector audiovisual e outros sectores culturais e creativos (SCC) con un alto potencial de replicación neses sectores, cos obxectivos de fomentar a cooperación entre o sector audiovisual e outros SCC para acompañar a súa transición ambiental e mellorar a súa competitividade e a circulación, visibilidade, diversidade e audiencia de contidos europeos a través das fronteiras. O programa tamén permite que o sector audiovisual europeo e outros SCC se adapten mellor ás oportunidades ofrecidas polo desenvolvemento da intelixencia artificial e os mundos virtuais.
• O Programa CERV:
• través da súa convocatoria de compromiso e participación da cidadanía, promove os intercambios sobre prioridades e retos políticos da UE, fomentando unha comprensión máis profunda das prioridades e desafíos democráticos e o compromiso activo e a participación democrática da cidadanía. Algunhas das actividades que se financiarán: organización de debates públicos, obradoiros ou conferencias sobre áreas específicas da UE; uso de plataformas en liña ou campañas en redes sociais para involucrar á cidadanía en discusións sobre políticas e prioridades da UE; creación de materiais educativos ou kits de ferramentas para involucrar e axudar a comprender as políticas da UE e o seu impacto na vida diaria; a promoción de intercambios entre cidadáns de diferentes países da UE para compartir experiencias e perspectivas sobre as políticas da UE.
• A convocatoria DAPHNE para previr e combater a violencia de xénero e a violencia contra a infancia dividida en 4 prioridades, apoia o desenvolvemento de accións a grande escala e a longo prazo para abordar a violencia de xénero, co obxectivo de protexer e apoiar ás vítimas e superviventes de violencia de xénero e violencia doméstica, previr a violencia de xénero, incluíndo a ciberviolencia e facer que os sistemas integrados de protección infantil funcionen na práctica.

Agardamos que estas xornadas sexan do voso interese. Moitas grazas pola vosa participación.

Un saúdo moi cordial,

Eva Garea Oya
Directora de Área de Proxectos Internacionais Educativos
Oficina de Proxectos Internacionais