Secretaría Uvigo

Prezada comunidade universitaria:

Comprácenos anunciar que a Vicerreitoría de Internacionalización lanza unha nova edición do programa One2One/ Frente a frente /Tête-à-tête, e nesta ocasión contamos cunha importante novidade: ademais do inglés e do portugués, que tivo moito éxito na última edición, este ano tamén ofreceremos a opción de practicar francés.

Gustaríanos lembrar que o programa One2One/ Frente a frente /Tête-à-tête é unha actividade financiada e sen custo, que ten como obxectivo mellorar as habilidades de expresión, mediación e interacción oral en inglés, portugués e francés. A través de sesións individuais con profesorado do Centro de Linguas (CdL), estudantes, docentes e PTXAS poderán perfeccionar o seu dominio destes idiomas en contextos formais e informais.

Poderán traballar diversos aspectos, como a preparación dunha presentación para un evento científico, a defensa do TFG ou TFM en lingua estranxeira ou simplemente gozar dunha conversa informal para mellorar a fluidez.

As persoas interesadas en participar deben inscribirse no seguinte enlace:

Ligazón English One2One: https://cdl.uvigo.es/cursos-de-idiomas/cursos-por-idiomas/ingles/

Ligazón Portugués Frente a frente: https://cdl.uvigo.es/cursos-de-idiomas/cursos-por-idiomas/portugues/

Ligazón Francés Tête-à-tête: https://cdl.uvigo.es/cursos-de-idiomas/cursos-por-idiomas/outras-linguas/

Participade nesta nova edición e mellorade as vosas competencias lingüísticas co One2One/ Frente a frente /Tête-à-tête

Un e-saúdo dende a Vicerreitoría de Internacionalización