Secretaría Uvigo

Prezado Persoal Docente e Investigador:

Desde a Oficina de Proxectos Internacionais-Área de Educación, comprácenos informarlle que se atopa aberta a seguinte convocatoria europea para presentar propostas de proxectos:

Programa CREA - Creative Europe Programme: Creative Innovation Lab
(CREA-CROSS-2025-INNOVLAB).
Data de peche: 24/04/2025, 17.00 h.

Esta convocatoria está destinada á creación de solucións innovadoras (ferramentas, modelos e metodoloxías) para incentivar aos axentes dos sectores audiovisual, cultural e creativo.
Os proxectos deberán abordar especificamente a promoción de prácticas sostibles ou de 'greening' nos sectores creativo e cultural, para acompañar a súa transición ambiental, así como a creación de ferramentas educativas innovadoras para tratar temas como a recollida e análise de datos, a transparencia, o uso adecuado da intelixencia artificial e os macrodatos, a adaptación aos retos e ás oportunidades impulsados polos cambios actuais neses sectores.

* Solicitantes elixibles: entidades xurídicas europeas (empresas privadas, públicas, organizacións internacionais, empresas tecnolóxicas e de nova creación, organizacións audiovisuais, culturais e creativas, incubadoras e aceleradoras de empresas, etc.) que presenten un consorcio formado por polo menos dúas entidades legais procedentes de países participantes no subprograma MEDIA.
As solicitudes deberán demostrar claramente o alcance do enfoque intersectorial, as condicións para a súa aplicación e os beneficios esperados para os sectores cubertos.

* Proxectos elixibles: o deseño, desenvolvemento e creación de ferramentas innovadoras aplicables nos sectores audiovisuais, culturais e creativos. As actividades terán por obxecto apoiar a competitividade, o proceso de sostibilidade, a cooperación, a circulación, a visibilidade, a dispoñibilidade, a diversidade, a inclusión, a representatividade e o aumento da audiencia en todos os sectores. O apoio tamén ten por obxecto permitir que o sector audiovisual europeo e outros sectores culturais se adapten mellor ás oportunidades ofrecidas polo desenvolvemento da intelixencia artificial e os mundos virtuais.

Os proxectos deberán centrarse en un ou varios dos seguintes temas:

• Mundos virtuais como novo entorno para a promoción dos contidos europeos, a renovación da audiencia e a competitividade das industrias europeas de contidos.
• Ferramentas de negocio innovadoras que exploren novos modos de produción, financiamento, distribución ou promoción que empreguen novas tecnoloxías (IA, big data, blockchain, Metaverso, NFT, etc.).
• Xestión e monetización dos dereitos (incluíndo ofertas innovadoras de subscrición agrupada para acceder a diversos contidos culturais europeos procedentes de diversas plataformas europeas existentes), garantindo a transparencia e unha remuneración xusta para os creadores e artistas.
• Recollida e análise de datos, con especial atención á predición da creación de contidos e o desenvolvemento da audiencia (incluíndo ferramentas intersectoriais innovadoras para mellorar a calidade do servizo de abonados e unha mellor valorización dos contidos europeos ofrecidos polas plataformas europeas en liña).
• Ecoloxización da cadea de valor nos sectores creativo e cultural, para reducir o impacto no medio ambiente dos sectores cultural e audiovisual, de acordo coa iniciativa europea Bauhaus e o pacto verde da Comisión Europea.

As solicitudes deben incluír medidas para garantir o equilibrio de xénero, a inclusión, a diversidade e a representatividade. O desenvolvemento de contidos e/ou os custos de produción só poden ser apoiados se están claramente vinculados ao desenvolvemento de ferramentas ou modelos innovadores propostos polo proxecto. Deben ser proporcionados e limitados.

* Financiamento dispoñible: O orzamento total dispoñible é de 5.001.863 euros.

* Orzamento do proxecto (importe máximo da subvención): non hai límite. A subvención basearase no orzamento (custos reais, con custos unitarios e a tanto alzado). Os custos reembolsaranse ao tipo de financiamento fixado no acordo de subvención (70%).

* Duración dos proxectos: 24 meses.

• Contido da convocatoria:
  https://www.oficinamediaespana.eu/images/anexos/2025/CREATIVE_INNOVATION_LAB/1_CreativeInnovationLab_bases2025.pdf
• Ligazón a noticia da publicación da convocatoria:
  https://www.oficinamediaespana.eu/noticias/item/4688-convocatorias-creative-innovation-lab-crea-cross-2025-innovlab   
• Ligazón á páxina da convocatoria, onde poden atopar máis información sobre a mesma:
  https://www.oficinamediaespana.eu/convocatorias/item/2677-innovationlab

Para o PDI que desexe participar nesta convocatoria, o equipo da Oficina de Proxectos Internacionais (OPI)-Área de Educación atópase dispoñible para brindarlle o apoio e a orientación necesarios. Pode comunicarse connosco ante calquera pregunta ou dubida que poida ter ou se teñe interese en presentar un proxecto nesta convocatoria europea, a través do enderezo electrónico: dir.edu.opi@uvigo.gal.

Esperamos que esta información resulte do seu interese. 

Un saúdo moi cordial,

Eva Garea Oya
Directora de Área de Proxectos Internacionais Educativos
Oficina de Proxectos Internacionais
Universidade de Vigo