Secretaría Uvigo
.:: Portal de avisos da Universidade de Vigo ::.
O Servizo de Prevención de Riscos Laborais, en colaboración co Servizo de Prevención Alleo (CUALTIS), organiza a campaña de vacinación antigripal 2024 dirixida ao persoal traballador da Universidade de Vigo.
Se está vostede interesado/a en vacinarse deberá encher o formulario que atopará accedendo á Secretaría Virtual no botón de "Formularios e Enquisas"- "Privadas" Solicitude de vacinación antigripal 2024. O prazo para solicitar a vacina remata o 30 de outubro de 2024.
Lembramos que esta vacinación vai dirixida a uns grupos de poboación diana cuxa descrición pode atopar na "Instrución campaña vacinación antigripal 2024" do SERGAS. A incorporación dos grupos da poboación diana será secuencial:
A partir do 11 de novembro
- Persoas de 60 e máis anos
- Persoas menores de 60 anos con patoloxías de risco (definidas na instrución)
- Mulleres embarazadas en calquera trimestre da xestación e puérperas nos 6 primeiros meses tras o parto, se non foron vacinadas anteriormente
A partir do 18 de novembro
- Persoas que conviven no fogar con outras que pertencen a algún dos grupos de alto risco
- Resto da poboación diana: persoas fumadoras, persoas con enfermidade celíaca e persoas con fístula de líquido cafalorraquídeo e implante coclear o espera deste.
Vixilancia da Saúde comezará a citar unha vez recibidas as doses.
Nota: Vixilancia da Saúde non está autorizada para administrar a vacina contra a COVID 19.