Secretaría Uvigo

Comunicámoslle que o mércores 24 de xullo ás 12 horas abrirase o prazo de preinscrición no curso Prevención e xestión do estrés do Programa de Formación Permanente do Profesorado da Universidade de Vigo.

Trátase dun curso de 12 horas que se levará a cabo en modalidade virtual síncrona.

Calendario:
Desenvolverase o 8, 9, 10 e 11 de outubro de 10 a 13 horas.
Pode ler o programa do curso aquí. 

Importante:
Segundo a directriz aprobada pola Comisión de Estudos Propios (CEP) do 26 de xullo de 2022:
“As persoas matriculadas nun curso poderán renunciar a el cunha antelación mínima de tres días hábiles da data de comezo do curso, para deste xeito permitir a asistencia a outra persoa que estea na listaxe de agarda.
No suposto de que a persoa non comunique a súa renuncia coa antelación indicada ou que asista a menos do 20 % da formación, terá a menor prioridade de acceso aos cursos que se realicen nos seis meses posteriores, a non ser que presente unha causa xustificada da non asistencia.
De acordo coas características do curso establecerase un mecanismo de control da asistencia ou realización.”

Pode consultar máis información na seguinte ligazón.