Secretaría Uvigo

Quincena deportiva de balde.

Para coñecer de xeito gratuíto tanto as instalacións deportivas xestionadas pola UVigo como as actividades dirixidas que se desenvolven nos tres campus e que forman parte do Abono mUVer, a comunidade universitaria poderá beneficiarse dunha quincena de acceso de balde ás instalacións e actividades deportivas que terán lugar entre o 20 e o 31 de maio. 

Ao longo destes 12 días, as persoas que forman parte da institución poderán, por exemplo, coñecer as salas cardio-fitness, as pistas de atletismo ou o programa de aluguer de bicicletas e tamén participar en múltiples actividades dirixidas de diferentes modalidades como HIIT, adestramento funcional, ioga, core ou pilates. A finalidade é que alumnado, profesorado e persoal de administración e servizos comecen o segundo cuadrimestre probando e elixindo as actividades deportivas que máis lle gusten e nas que poidan sentirse cómodas e en forma ao longo de todo o curso.

Para todas estas as sesións é preciso reservar praza no aplicativo Campus Activo e unicamente nas instalacións e actividades xestionadas directamente pola Área de Benestar, Saúde e Deporte.

No seguinte enlace poderedes reservar a vosa praza para as distintas actividades nos distintos campus: https://acortar.link/Ust3Gc 

Preparádevos para o verán facendo un pouco de exercicio. Agardámosvos!