Secretaría Uvigo

Prezada Comunidade universitaria:  

 A Vicerreitoría de Internacionalización canda o Centro de Linguas comprácelles anunciar o lanzamento do Programa de Tándem Lingüístico, deseñado para fomentar o intercambio cultural e a aprendizaxe de linguas dentro da nosa comunidade universitaria. Este programa ofrece unha oportunidade única para establecer contactos lingüísticos con falantes procedentes dos múltiples programas de mobilidade dunha ampla variedade de idiomas, incluíndo pero non limitado ao árabe, polaco, turco e moitas outras linguas. 

O Tándem Lingüístico está dirixido aos membros da comunidade universitaria: PDI, PTXAS, así como ESTUDANTADO. O obxectivo principal é facilitar un espazo onde as persoas participantes poidan practicar e mellorar as súas habilidades lingüísticas a través de conversacións informais. Esta iniciativa non só fortalecerá as habilidades comunicativas en diferentes idiomas, senón que tamén enriquecerá a comprensión cultural e promoverá a diversidade na nosa contorna. 

As persoas interesadas en participar neste programa poden rexistrarse a través da nosa plataforma en liña [ligazón aquí]. Unha vez rexistradas, poderán seleccionar os idiomas que desexan PRACTICAR e OFRECER para así establecer contacto con participantes da comunidade universitaria que compartan eses mesmos intereses lingüísticos. 

Se tendes algunha pregunta ou precisades máis información, non dubidedes en contactarnos no correo internacional@uvigo.gal  

Recibide un cordial saúdo do equipo de internacionalización da UVigo.