Secretaría Uvigo

Dende hai varios anos o profesorado da Universidade de Vigo veu colaborando coa Deputación de Pontevedra para a composición dos tribunais cualificadores da Deputación, especialmente os de aquelas titulacións que mais se adecúan ao perfil das prazas e postos ofertados.

Así, coa intención de mellorar cada día na tramitación dos procedementos e de renovar a colaboración do profesorado da Universidade de Vigo con esta Institución, preténdese dende a Deputación ampliar a relación de persoas que desexen participar no desenvolvemento dos procesos selectivos que convoca a Deputación Provincial, co fin de crear unha base de datos por titulacións académicas e especialización, que permita axilizar a constitución destes órganos.