Secretaría Uvigo

Con motivo da Semana do Acceso Aberto, publicamos na nosa guía Informes e estudos bibliométricos un novo informe, As publicacións científicas da Universidade de Vigo en Acceso aberto.

Este informe ofrece datos sobre as publicacións científicas da Universidade de Vigo en acceso aberto entre 2013 e 2022 (datos procedentes de Web of Science):

• O 46,25% dos documentos publicados pola Universidade de Vigo entre 2013 e 2022 foron artigos en revistas en acceso aberto ou postos a disposición da comunidade científica nalgún repositorio público.
• Esta porcentaxe foi aumentando de xeito significativo nestes anos: pasou do 27,66% en 2013 ao 69,13% no ano 2022.
• A porcentaxe de publicación en acceso aberto en 2022 é similar ao do conxunto das universidades galegas (69,25%) e superior á media española (64,86%).
• Os ámbitos temáticos nos que a Universidade de Vigo participou de xeito máis notorio no acceso aberto entre 2013 e 2022 son ciencias da terra (56,71%), economía e estatística (56,13%) e física (55,65%).
• As revistas nas que máis artigos en aberto publicou a Universidade de Vigo nestes anos son Scientific Reports, Plos One e Sustainability.

Para máis información, diríxanse a:

Beatriz Tizón
Biblioteca da Universidade de Vigo
Área de Servizos Bibliométricos
Tel. 986 130 236
bibliometria@uvigo.gal