Secretaría Uvigo
.:: Portal de avisos da Universidade de Vigo ::.
Acordo con IEEE para publicar en acceso aberto (Biblioteca Universitaria)
Información ao PDI
23-06-2023 ata: 31-12-2025A Biblioteca informa que a Universidade de Vigo a través do Consorcio Interuniversitario do Sistema Universitario de Galicia (CISUG) e a CRUE participa nun novo acordo transformativo con IEEE (Institute of Electrical and Electronics Engineers)
Con este acordo as universidades disporán de acceso de lectura a todas as revistas científicas no catálogo da editorial IEEE, ao tempo que habilita a publicación en acceso aberto sen custo adicional nas revistas híbridas do catálogo de IEEE, excepto 29 revistas "Non OA" nas que a sociedade editora non contempla a publicación en Acceso Aberto. O acordo tamén inclúe un 20% de desconto nas APCs das revistas Fully OA.
A Biblioteca Universitaria encargarase de xestionar as solicitudes e ofrece soporte e asesoramento sobre o procedemento que seguir.
Pódese consultar máis información no apartado Novas da web da biblioteca e na guía:
Lembramos que para beneficiarse dos descontos nos APC:
- O autor/a de correspondencia (corresponding author) deberá ser membro da Universidade de Vigo e identificarse como tal mediante o seu correo institucional.
- Ter un artigo aceptado para publicar entre o 16 de xuño e o 31 de decembro de 2025.
As persoas beneficiarias adquirirán o compromiso de:
- Facer constar no artigo a filiación normalizada segundo o Protocolo de normalización da filiación institucional da Universidade de Vigo.
- Incluír nos agradecementos unha mención á financiación recibida pola Universidade de Vigo e o CISUG.
- Depositar a versión publicada do artigo no repositorio institucional Investigo para incrementar a súa visibilidade e garantir á súa preservación a longo prazo.
Atentamente,
Biblioteca Universitaria de Vigo
Biblioteca Central, Campus Lagoas-Marcosende
36310 Vigo