Secretaría Uvigo
.:: Portal de avisos da Universidade de Vigo ::.
Obradoiro Virtual: Elaboración e Xestión de Proxectos financiados pola UE no contexto dixital
Obradoiros
27-03-2023 ata: 01-05-2024Prezados membros da comunidade universitaria:
Achegamos desde a Oficina de Proxectos Internacionais (OPI) información sobre a organización do 'Obradoiro Virtual: Elaboración e Xestión de Proxectos financiados pola UE no contexto dixital', que terá lugar os días 18 e 20 de abril de 2023.
https://opi.uvigo.gal/area-educacion/xornadas-formativas/
Esta actividade formativa gratuíta está organizada e financiada pola cátedra europea Jean Monnet: European Institutions and Citizens: Adapting the EU to the digitalisation challenges.
O obxectivo xeral deste obradoiro consiste en iniciar aos/ás participantes na elaboración e xestión de proxectos para concorrer a convocatorias promovidas pola UE. Combina a achega duns mínimos contidos teóricos co tratamento de situacións prácticas. Deste xeito, agárdase aumentar as habilidades e capacidades profesionais dos/as participantes, incrementando así as posibilidades de emprego nun eido con alta demanda.
Contidos:
- Introdución: Unión Europea e políticas públicas.
- Aspectos básicos da elaboración e xestión de proxectos europeos. As plataformas dixitais.
- Pasos clave para a formulación de proxectos na contorna dixital.
- ¿Como elaborar e presentar unha proposta europea?.
- Consideracións finais: recomendacións e consellos.
Período de matrícula: 17/03/2023 19:08 - 18/04/2023 14:00.
Duración: 5 horas. Martes 18 e xoves 20 de abril de 2023. Horario: 16.00-18:30.
Inscrición: https://bubela.uvigo.es/curso/5057
Público destinatario: Estudantes universitarios (Dirección e Xestión Pública, Dereito, Economía, ADE, etc.), empregados públicos e interesados en xeral.
Esperamos que esta información sexa do seu interese.
Eva Garea Oya.
Directora de Área de Proxectos Internacionais de Educación.
Oficina de Proxectos Internacionais.
Universidade de Vigo.
- opi@uvigo.gal
- +34 986 130 287