Secretaría Uvigo

O Ministerio de Universidades anuncia a próxima apertura do prazo para presentar as solicitudes de axudas para estadías José Castillejo e Salvador de Madariaga que permanecerá aberto entre o 17 de xaneiro e o 9 de febreiro de 2023 ás 14.00 horas.

Lembramos a necesidade de ter autorizada a estadía na Universidade de Vigo a través dunha licenza para os efectos de docencia e investigación.

As bases da convocatoria e demais información de interese pode ser consultada no seguinte enlace https://www.educacionyfp.gob.es/servicios-al-ciudadano/catalogo/profesorado/profesorado-universitario/becas-ayudas/movilidad/salvador-madariaga.html

Como novidade deste ano, é necesario que adxunta á solicitude se inclúa o Certificado do organismo de adscrición que se pode atopar no enlace anterior.

Este certificado debe ser asinado pola representante legal da Universidade de Vigo despois de comprobar a información que nel se pide respecto a cada solicitante.

Polo tanto, todas as persoas interesadas en presentar unha solicitude de axudas Salvador de Madariaga ou José Castillejo deben:

• Enviar o referido certificado en formato word ao enderezo seccion.rrhh.investigacion@uvigo.gal Encherase cos datos que se piden, salvo o apartado 1. Datos do organismo de adscrición

Último día para envialo: 30 de xaneiro de 2023 ás 14.00 horas.

Unha vez asinado, será devolto á persoa interesada para que o presente xunto coa solicitude.