Secretaría Uvigo

.:: Portal de avisos da Universidade de Vigo ::.

Rallye Recalvi Rías Baixas no Campus de Vigo

Información xeral

22-07-2021 ata: 25-07-2021

O Campus de Vigo este ano será o centro neurálxico de operacións da organización da 54ª edición do Rallye Recalvi Rías Baixas. Debido á esta colaboración, informámosvos que os días 22, 23, 24 e 25 de xullo o Campus de Vigo vai dar acollida ao parque de traballo e á dirección da proba.

Por este motivo, vai haber zonas do Campus que permanecerán reservadas á organización durante esas datas. O máis salientable é que toda a contorna das instalacións deportivas vai permanecer pechada, así coma a zona das pérgolas próximas á Facultade de Ciencias Económicas e Empresariais e o aparcadoiro da Facultade de Filoloxía e Tradución.

O aparcadoiro substitutivo para a comunidade universitaria será o da Facultade de Ciencias Xurídicas e do Traballo e se poderá acceder a el desde a circunvalación ou desde a vía que pasa por Ciencias Experimentais e Citexvi.

Tamén estarán anuladas as paradas do Vitrasa situadas nas proximidades das Facultades de CC Económicas e Empresariais e Filoloxía e Tradución, creándose de modo temporal unha nova parada na circunvalación.

Achegamos dous planos explicativos con todas as indicacións e sinalización da ocupación e circulación no Campus durante esas datas.