Secretaría Uvigo

A Biblioteca informa que xa está en funcionamento a nova versión do JCR 2021, que xunto cos índices de impacto do ano 2020 presenta importantes melloras.

JCR 2021 amplía a súa cobertura, incorporando todas as revistas da Colección Principal da Web of Science (WOS Core Collection) incluíndo todas as publicacións presentes nos índices Arts & Humanities Citation Index (AHCI) e o Emerging Sources Citation Index (ESCI).

Ademáis da súa renovada interface, esta versión presenta unha nova métrica, o Journal Citation Indicator (JCI), que afectará a todas as revistas incluídas en JCR e, en especial, ás contidas no AHCI e ESCI, que non contatán co Factor de impacto pero si co JCI.  Deste xeito, todas as revistas indexadas en WoS estarán incluídas no JCR e todas elas terán en común o indicador JCI ( Journal Citation  ndicator) aínda que as revistas de AHCI e ESCI non terán JIF (Journal Impact Factor)

Para coñecer en profundidade todas estas melloras, pode inscribirse no seminario web organizado por Clarivate que terá lugar o próximo 21 de xullo 10:00-11:30 h.

Inscrición con correo-e institucional