Secretaría Uvigo
.:: Portal de avisos da Universidade de Vigo ::.
Estimados membros da comunidade universitaria:
O vindeiro martes 19 de decembro ás 20:30 h no Teatro Afundación de Vigo, terá lugar o tradicional Concerto de Nadal da Universidade de Vigo.
Este ano contaremos coa presenza de Cristina Pato.
Con quen embarcaremos nunha viaxe musical a través do Pergamiño Vindel, acompañada por Anxo Pintos, Begoña Riobó, Yago Vázquez, Roberto Comesaña, Miguel Cabana, o grupo Martín Códax e o Coro da Marña ( dirixido por Ugía Pedreira e Pierrot Rougier)
A asistencia a este concerto será por invitación, que deberá descargarse de
https://culturxest.uvigo.es/WebCulturaUVigo/actividades/datos.jsp?idActividad=1289
autentificándose como membro da comunidade universitaria e imprimindo o xustificante, ou descargándoo no móbil, que conta cun código de barras e será o documento co que se acceda ao recinto.
O código de barras desta invitación é único, permitindo un só acceso.
O prazo permanecerá aberto na web desde as 9.00 h do luns 4 de decembro ata o remate do número de invitacións, ou ata as 23:59 h do día 18 de decembro.
A partir do día 14 de decembro ás 9.00 h haberá convites na oficina de Extensión Universitaria ao dispor do público en xeral e dos membros da comunidade universitaria que non acadaran convite.
Pregamos aos membros da comunidade universitaria que utilicen a súa invitación, ou ben a devolvan a esta Vicerreitoría se finalmente non vai ser utilizada.
Agradecémoslle a súa colaboración e difusión para que o Concerto de Nadal sexa un éxito.
Reciba un cordial saúdo.
VICERREITORÍA DE EXTENSIÓN UNIVERSITARIA E RELACIÓNS INTERNACIONAIS.
- extension@uvigo.gal
- +34 986 813 626