Secretaría Uvigo
.:: Portal de avisos da Universidade de Vigo ::.
Enquisas de Avaliación Docente (EAD) do 1º cuadrimestre do curso 2017-2018.
Información ao PDI
01-09-2017 ata: 30-12-2017Estimado profesorado,
Anunciamos que está en marcha o proceso de Enquisas de Avaliación Docente (EAD) do 1º cuadrimestre do curso 2017-2018.
Para facilitar o proceso, xa está habilitada na Secretaría Virtual a aplicación para a Planificación de Enquisas de Avaliación Docente, co obxecto de que o profesorado poida planificar de maneira persoal as enquisas das materias que imparte e determine a data e horario de realización que lle conviñer.
A ruta de acceso é a seguinte:
Páxina da UVigo – Secretaría Virtual – Control de acceso - Funcionalidades para o PDI - Planificación de Enquisas de Avaliación Docente.
Para o Control de Acceso deben introducirse os datos habituais:
- Nº Documento de identificación
- Número da tarxeta universitaria (NIU)
- Contrasinal da tarxeta universitaria (NIU)
O prazo de planificación individual por parte do profesorado remata o vindeiro 18 de setembro. Para facilitar esta tarefa, na Guía de Planificación das EAD inclúese información detallada sobre o proceso. Esta guía pode consultarse no seguinte enlace:
Despois da data devandita, naqueles casos nos que o profesorado non tivese planificada a realización da/s súa/s enquisa/s, o centro poderá completar as planificacións correspondentes ás súas titulacións adscritas ata o día 26 de setembro. Unha vez completadas, cada docente poderá consultar na Secretaría Virtual os datos que lle atinxan das planificacións realizadas.
O cronograma xeral da realización das EAD neste cuadrimestre é o seguinte:
Titulacións de Grao e Mestrado
Planificación das enquisas
Planificación individualizada polo profesorado: 1 de setembro a 18 de setembro de 2017
Revisión polos centros das planificacións realizadas: 19 de setembro a 26 de setembro de 2017
Realización das enquisas: 09 de outubro a 21 de decembro de 2017
IMPORTANTE: O profesorado das materias que rematen a docencia con anterioridade ó inicio do proceso (materias bimestrais, por exemplo) pode mandar a planificación directamente ó correo tscalidade2@uvigo.es.
Calquera dúbida pode formularse na Área de Calidade no e-mail: tscalidade2@uvigo.es
Atentamente,
Xosé María Gómez Clemente
Director da Área de Calidade
Vicerreitorado de Organización Académica e Profesorado
Tlf.: 986813625/ 647343282