Secretaría Uvigo

A 2ª edición da Finde.U Virtual International Job Fair, organizada polas universidades de Vigo, Porto e Tras-Ós-Montes e Alto Douro, comenza mañán día 21 e estará en funcionamento até o 24 de marzo de 2017 a través da plataforma europeanjobdays da rede EURES.

Máis de 110 empresas españolas, portuguesas e doutros países europeos, conmáis de 400 ofertas de emprego, xa se inscribiron para participar durante catro días nesta Feira Virtual de emprego universitario a través dunha plataforma interactiva mediante a que levarán a cabo procesos de selección de talento universitario en todas as áreas de coñecemento.

Neste evento virtual, organizado en colaboración con EURES Portugal e EURES Transfronterizo Galicia – Norte de Portugal, estudantes e persoas egresadas de calquera universidade terán a oportunidade de:

• Achegar o seu CV a empresas e organizacións nacionais e internacionais.
• Presentar a súa candidatura a múltiples ofertas de emprego e prácticas.
• Presenciar en streaming sesións divulgativas sobre empregabilidade, habilidades de xestión e de desenvolvemento persoal, programas e oportunidades de emprego/prácticas, mobilidade e emprendemento, así como tamén presentacións de empresas. (PROGRAMA 1 / PROGRAMA 2)
• Interactuar coas empresas e organizacións participantes mediante chat.
• Acordar entrevistas de traballo online.

CONSULTA AQUÍ AS EMPRESAS PARTICIPANTES: https://www.europeanjobdays.eu/en/taxonomy/term/17940/exhibitors

INSCRÍBETE AQUÍ E SUBE O TEU CV: https://www.europeanjobdays.eu/en/jobseeker/register?event=17940

Máis información: http://emprego.uvigo.es/emprego_gl/findeu-2017/virtual/